នៅទីក្រុងបាលី សិទ្ធិក្នុងការទទួលបានអាហារ ត្រូវបានលក់ដូរ លិខិតរបស់ ម៉ារី លូ ម៉ាលីក ទៅកាន់ កាសែតចាការតា ប៉ុស្តិ៍ ចុះផ្សាយនៅថ្ងៃទី ១៦ ខែធ្នូ ២០១៣ បកប្រែជាភាសាខ្មែរដោយស៊ឹម សុជាតា ក្រោមការអនុញ្ញាតពីអ្នកនិពន្ធ កិច្ចប្រជុំលើកទីប្រាំបួន នៃអង្គការពាណិជ្ជកម្មពិភពលោក បានធ្វើឡើងនិងបញ្ចប់ទៅ វិញ។ កិច្ចប្រជុំនេះ ធ្វើឡើងនៅទីក្រុងបាលីកាលពីពេលថ្មីៗនេះ ហើយអង្គការពាណិជ្ជកម្មពិភពលោក ទទួលជោគជ័យក្នុងការជម្រុញតាមរយៈ “កញ្ចប់បាលី” ដែលមិនមានតុល្យភាព ដែលរួមមានកិច្ចព្រមព្រៀងលើការសម្របសម្រួលពាណិជ្ជកម្ម ហើយជាការផ្លាស់ប្តូរគ្នា គឺបានចងដៃចងជើងប្រទេសកំពុងអភិវឌ្ឍ នៅក្នុងលទ្ធភាពរបស់ពួកគេ ដើម្បីធានាសន្តិសុខស្បៀងសម្រាប់ប្រជាជននៅក្នុងឆ្នាំដែលនឹងមកដល់ខាងមុខ។ អង្គការពាណិជ្ជកម្មពិភពលោកត្រូវបានបង្កើតឡើងនៅក្នុងឆ្នាំ ១៩៩៥ មានគោលបំណងច្រើនដែលក្នុងនោះ គោលបំណងមួយគឺ “ដើម្បីលើកកំពស់សុខុមាលភាពប្រជាជននៅក្នុងប្រទេសជាសមាជិក”។ មានការសន្យាជាច្រើន ដើម្បីនាំយកមកនូវការអភិវឌ្ឍន៍ដល់ប្រទេសកំពុងអភិវឌ្ឍ និងប្រទេសដែលមានការអភិវឌ្ឍតិចតួច ( LDCs) ដោយការកាត់បន្ថយការឧបត្ថម្ភធនដែលធ្វើឲ្យមានការខូចខាតដល់ពាណិជ្ជកម្ម នៅក្នុងប្រទេសអ...
